my estimated due date was may 23, 2010. pero dahil sabi nila na kapag first pregnancy daw pedeng 2 weeks before or 2 weeks later than the due date ka manganak. so may 1 palang, inaabangan na namin ang paglabas ng first baby namin. nagkaron ako ng false contractions, siguro 2 madaling araw yun, pero hindi naman umabot na nagpunta ako sa hospital at pinauwi ulit ako dahil wala pa pala.
sabi ko kapag hindi pa ako nanganak ng may 1, may 8 or 10 na ang gusto kong date. eh wala parin. sige may 14 nalang. wala parin. basta gusto ko even number :) may 16, may check-up ako sa ob ko. hindi parin nag-open ang cervix ko pero numipis na siya ng 50%, good sign daw yun. maglakad-lakad parin daw ako para matagtag.
movie nights sa eastwood, pasyal ng mga pamangkin sa trinoma, may mineet sa mall of asia, attend ng baby shower ng pinsan ko.. kung san san kami nagpunta ni jaypee para maglakad. :)
may 20, bumalik ako kay doc. sumama na si mommy kasi kahit siya nagwo-worry na ma-stress si baby sa loob ng tiyan ko.. 39 weeks & 4 days na kasi ako nun. pagka-internal exam sa akin.. sa wakas. 2cm na ako. nagwork ang paglalakad namin ni jaypee. hehe. after ng check-up ko sumama ako kay mommy sa work para makapaglakad-lakad ako sa abs-cbn compound. dumalaw na rin ako sa taping ng banana split kasi ilang months na rin akong nagstop sa work. birthday ng kuya badji ko nun kaya inaantay ko rin kasi kung magiging ka-birthday siya ng baby ko. wala. nakakainip mag-intay.
may 22.. eto na.. dahil hirap ako makatulog dahil sa heartburn, every 2 hours ako nagigising sa madaling araw. mga 5:00am, pumutok yung water bag ko. pero hindi ako nagpanic. hindi ko rin agad ginising si jaypee. nag internet pa ako para maging sure na water bag nga yun. sinunod ko yung nabasa ko sa internet. nagrelax pa ako, mga 6:00am na ako bumangon. tapos ginising ko na si jaypee saka si mommy. naligo ako. tapos habang naliligo si jaypee, nag last minute impake ako ng gamit namin ni baby.
on the way sa st. luke's medical center sa quezon city (gusto ko sana sa st. luke's sa global kaso ayaw ng ob ko kasi kulang daw ang residents dun, sayang, mas mura pa naman ang rooms duon.. hehe..), nagutom si mommy. kaya nag breakfast muna kami sa mcdonald's sa may e. rodriguez. isang breakfast sausage saka hashbrown lang kinain ko. para lang di ako magutom. so dun ako nagpipigil ng contractions. hehe. pagdating sa st. luke's dumirecho na kami ni mommy sa high risk pregnancy unit, dun kasi ang order ni doc eh. yung yaya namin nasa admissions tapos si jaypee nagpark. naligaw pa kami ni mommy kasi ni-renovate na pala yun. pagdating ko dun tuloy tuloy na. 5cm na ako. nagpalit na ako ng gown at kinabitan ng fetal and monitor for my contractions.. si mommy nag-asikaso ng room ko, si jaypee stayed with me.
mga 4:00pm, ininternal exam ako, 6-7cm na daw ako.. dumating na rin si daddy para silipin ako dun. binigyan ako ng pang-induce saka ng sedative para makatulog ako. kapag sedated na pala ang patient, bawal na ang bantay. so iniwan na ako ni mommy & jaypee. medyo nainis lang ako kasi sinusubukan kong matulog pero may isang intern na napakalakas ng ring tone ng phone at kahit nagco-contract ako eh mag internal exam siya. groar. siya pa may hawak ng remote sa unit ko at talagang naglilipat siya ng channel at naglalakas ng volume. pasalamat siya mahina ako para magtaray.
fast forward after 10 hours of labor... hindi na ako nagprogress after 7cm. kaya nagdecide si doc na i-cs na ako. mga 6:20pm pinatawag na si jaypee & mommy sa hrpu para sabihin ni doc. nahihirapan na rin kasi ako, 4 times ako nagsuka. nung okay na ang usapan, kinausap na ako ng anesthesiologist sa kung anong gagawin sakin. tapos dinala na ako sa operating room.
mabilis na ang pangyayari, hindi ko na ata na-feel yung injection sa likod ko... pero gising ako.. inaalis ko pa yung oxygen kasi di ako makahinga. at 7:18pm, lumabas na si baby :) narinig ko na yung iyak niya. tapos pinapasok na si jaypee. pina-breast feed na rin siya agad sa akin. ang sarap ng feeling nung nakita ko na si baby. hindi nga lang malapelikula yung reaction ko na umiyak-iyak. napapikit lang ako. dilat na dilat na siya. nagpicture picture kami dun. tapos pagkalinis kay baby.. dinala na siya agad ni doc sa labas para makita ng mommy, daddy at ate ko. sila lang ang pinayagan pumasok. yung mga kuya ko nasa room ko nalang :c jayla weighed 8.5 lbs and 48 cm or 18 inches ang haba niya :) big baby kaya hindi ko kinaya. hehe.
after nun dinala na ulit ako sa recovery room. mga 11:30pm na ako inakyat sa room ko. kelangan kasi mataas mo na both legs mo bago ka i-akyat. nakaya ko naman. pag-akyat sa akin sa room, andun lahat sila nag-aantay sa akin. asawa ko, mommy, daddy, mga kuya ko, sister-in-law ko at ate ko :) inantay lang nila ako dun tapos nag-uwian na rin sila except for jaypee, shempre. nung kami nalang ang nasa kwarto. saka lang ako naiyak. feel ko ang sobrang love and support ng pamilya ko sa akin at shempre, lumabas na ang baby namin. si jayla sophia :)
thank you, Lord, for this experience. i realized the lesson na sa bawat hirap na pagdadaanan mo, may magandang mangyayari. and si jayla yun :)
