circus: the venue

TRUST HALL

LIGHT OF LOVE EVENTS PLACE

www.lightoflove.com.ph

contact: dexter que (ae) 0917-5191114

siguro many of you will agree with me, isa sa pinakamahirap gawin while planning an event is yung pagpili ng venue. meron akong 6 requirements na palaging cinoconsider kapag naghahanap ako ng venue:

1. air-conditioned : at kelangan malamig ang aircon. nahihiya ako kapag may nakikita akong guests na nagpapaypay. at isa pa, dahil nga hindi ako sexy, madali akong pawisan. ayaw ko naman magmukhang hulas sa pictures.

2. ample parking : alam natin kung gano ka-hassle magpunta sa isang event na mahirap ang parking. ayaw ko naman ibigay sa guests yung hassle na yun.

3. 250-300 pax capacity : kahit hindi aabot sa 250 to 300 ang guests ko. mas okay sakin yung malaking venue para maluwag at hindi mahihirapan mag-ikot ang guests and kumilos ang waiters.

4. clean restrooms : hindi ko na 'toh eexplain. lahat tayo gusto natin yan.

5. guest room : gusto ko may kumportableng lugar para bihisan at mag-ayos. lalo na kiddie party. kapag kinailangan magchange ng diaper o matulog ni jayla at ng iba ko pang pamangkin, at may safe na pag-iiwanan ng mga gamit.

6. accessible : eto minor requirement lang naman kasi naniniwala na ako na if you really matter to the guests you invited, darating at darating sila kahit san pa ang event mo.

para sa event na ito, nagdagdag ako ng isang requirement:

7. high ceiling : dahil sa circus/carnival ang theme ko. gusto ko ng venue na may high-ceiling. gusto ko kasi ma-achieve yung interior ng big top.

ang hirap maghanap ng venue na kumpleto ang pitong yan.

i learned about light of love events place nung nasa main office ako ng hizon's for a food tasting. wala pa kasi akong reception venue that time kaya kumuha ako ng brochures na nandun. nag-inquire din ako sa kanila for my mom's 50th birthday party last year kaya nasakin na ang rates ng halls nila. dexter was very accommodating and mabilis siyang sumagot. kaso may kamahalan kaya naghanap pa ako ng iba. nakapencil book lang ako sa kanila ng walang deadline.

nag-inquire naman ako sa oasis manila, kaso may evening event na. so dapat lunch party ako and tapos na ako by 3pm para makapagset-up yung susunod na event. alanganin. nag-inquire din ako sa the big tent in don antonio. excited pa ako while looking at the venue pics in multiply. kasi akma yung name ng venue sa theme ko. kaso nung nagpunta ako dun for an ocular, nagsabi naman ako sa staff nila na darating ako, biglang walang tao sa office, may naka-post na "for inquiries, please call 0917 kiyeme.." nag-ikot na rin ako to check on the venue. yung cr, maliit lang at hindi mashado malinis, or siguro nung araw lang na yon. may stock room or dressing room sila na pede ko gawing changing room ni jayla. kaso walang parking. and sabi sakin ng ninong ko na dun nakatira sa area, nagco-cause daw ng traffic ang events dun kasi wala ngang parking. buti nalang pala walang staff dun. kung hindi siguro na-sales talk na ako.

may mahahanap pa siguro ako na mura and kumpleto ang requirements ko kaso less than 2 months before nalang yun at wala na akong oras maghanap dahil kelangan ko na ipagawa yung invites. so go na ako sa light of love events place. i chose "trust" hall.

trust hall, without set-up

(photo from their website)

trellis leading to the halls & office

trust hall entrance

trust hall, with set-up

(capacity: 450 pax)

rating: 4

halos lahat ng guests ko, first time makapunta sa light of love at halos lahat din sa kanila, hindi alam na may events place palang nagtatago dun. maganda yung place, lalo na kapag gabi. para sakin mas pang wedding or formal events siya kesa kiddie parties.

super lamig ng aircon ng halls. kita niyo naman sa first photo kung gano kadami ang aircon. kahit yung mommy ko na binantaan ako na subukan ko daw na mahina ang aircon, eh hindi nilamig. hindi naman nahirapan magpark ang guests saka malinis ang rest rooms and madaming cubicles.

may courtesy room din kaso lang free lang daw ito for weddings & debuts. ano naman kaibahan nun sa birthday party diba eh kelangan din naman ng bata ng kwarto. oh well. hindi ako nanalo sa pinopoint-out ko kaya chinarge nila ako ng presyong hotel sa pag gamit ng courtesy room. may charge din sila kapag hindi accredited ang photobooth & drapes mo, saka for power tap per food cart. yun lang naman ang medyo minus points factor para sakin.

pero okay naman ang over-all experience ko with them. pinayagan pa nila ang stylist ko magset-up the whole day before kasi walang event. si dexter was there during the event. yung ibang a.e's kasi mag-aassign nalang ng tao na magbabantay, pero andun siya. mas nauna pa kami umuwi kasi binantayan niya pati egress.

happy ako with the venue kasi naging perfect siya for my theme. kung uulit kami dun, pag-iisipan ko pa. depende sa ipon. hehe!